ئامانجی سەرەكیی ئیدارەی مانچستەر یونایتد واژووكردنی گرێبەستە لەگەڵ پۆچتینۆی ڕاهێنەری پاریس سانجێرمان، ئیدارەی پاریسیش دەیەوێت زێدان بكاتە ڕاهێنەر.
بە پێی هەواڵی میدیاكان، ئیدارەی مانچستەر یونایتد تا كۆتایی وەرز ڕاهێنەرێكی كاتی دیاریی دەكات و دواتریش گرێبەست لەگەڵ پۆچتینۆی ڕاهێنەری ئێستای پاریس واژوو دەكات.
پۆچتینۆ بژاردەی ئالێكس فێرگسۆن-ی سەرۆكی فەخریی یانەكەیە و پێیوایە كەسێكی گونجاوە بۆ سەرپەرشتیكردنی یانەكە.
هەرچی یانەی پاریس سان جێرمانیشە، بڕیاریداوە لەكاتی ڕۆیشتنی پۆچتینۆدا، گرێبەست لەگەڵ زێدانی فەرەنسی واژوو بكات.
زێدان لە ئێستادا لە پشوودایە و پێشتر پۆستی ڕاهێنەرایەتی یانەی مانچستەر یونایتدی ڕەتكردووەتەوە.
