بزوتنه‌وه‌ى حه‌ماس داوا له به‌ریتانیا ده‌كات له بڕیارى قه‌ده‌غه‌كردنی بزوتنه‌وه‌كه په‌شیمان ببێته‌وه و داواش له لایه‌نگرانى ده‌كات خۆپیشاندان ئه‌نجام بده‌ن.
بزوتنه‌وه‌ی حه‌ماس له ڕاگه‌یه‌ندراوێكدا ئاماژه‌ى به‌وه‌كردووه، داوا له لایه‌نگران و فه‌ڵه‌ستینیه‌كان ده‌كه‌ین خۆپیشاندان له به‌رده‌م باڵیۆزخانه‌كانى به‌ریتانیا له وڵاتان ئه‌نجام بده‌ن و داواى ڕه‌تكردنه‌وه‌ى بڕیارى به تیرۆر ناساندنی بزوتنه‌وه‌كه بكه‌ن.
حه‌ماس جه‌ختى له‌وه‌شكردووه‌ته‌وه، “پێویسته په‌رله‌مانی به‌ریتانیا بڕیاره‌كه ڕه‌تبكاته‌وه و حكومه‌تیش له‌و بڕیاره‌ی په‌شیمان ببێته‌وه”.
پێشتر، بریتی باتێل وه‌زیری ناوخۆی به‌ریتانیا ڕایگه‌یاندبوو، حكومه‌تی وڵاته‌كه‌ی بزوتنه‌وه‌ی حه‌ماسی قه‌ده‌غه كردووه، پابه‌ندیش ده‌بن به چاره‌سه‌ركردنی توندڕه‌وی و تیرۆر له هه‌ر شوێنێك هه‌بێت.
