هونەرمەند بەختیار سەعید بە كەفالەت ئازادكرا، دۆسیەكەی دانەخراوە و كاتی دراوەتێ بۆ كۆكردنەوەی بەڵگەی پێویست.
د. ڕێبوار سەعید، برای هونەرمەندەكە بە تۆڕی میدیایی ئێستای ڕاگەیاند، ئەمڕۆ بە كەفالەتی 15 ملیۆن دینار، بەختیار سەعید ئازادكراوە، بۆ ئەوەی بەڵگەی پێویستی تایبەت بە دۆسیەكەی ئامادە بكات.
برای هونەرمەندەكە ڕایگەیاند، دوو دۆسیە لەسەر بەختیار سەعید كراونەتەوە، یەكێكیان تایبەتە بە دووبارە چاپكردنەوەی كتێبەكان و ئەوەی دیكەشیان پەیوەندیی بە دابەشكردنیانەوە هەیە، بۆیە لەسەر هەردوو دۆسیەكە بە 15 ملیۆن دیناری كەفالەت ئازادكراوە.
د. ڕێبوار سەعید وتیشی، دۆسیەكە ڕەوتی لێكۆڵینەوە و چوونە دادگای وەرگرتووە و دانەخراوە و بەردەوامیی دەبێت، هونەرمەند بەختیار سەعید-یش بەڵگەكانی بێتاوانیی كۆدەكاتەوە و پێشكەشیدەكات.
