پۆلیسی کەرکوک ئاشکرایدەکات، ئەو بۆمبەی لەسەر پردی مەشات لەسەر رێگای کەرکوک – بەغداد دۆزرایەوە بەتاڵ بووە.
فەرماندەیی پۆلیسی کەرکوک لە روونکردنەوەیەکدا بڵاویکردەوە، دوای ئەوەی دوێنێ هەینی تەنێکی نامۆ لە شێوەی بۆمبدا لەسەر پردی مەشات دۆزرایەوە، تیمەکانمان گەیشتنە شوێنی رووداوەکە و دەرکەوت بۆمبێکی بەتاڵ بووە.
ئاماژەی بەوەشکرد، دوای لێدانەوەی دیمەنەکانی کامێرای چاودێرییەوە و لێکۆڵینەوە لەو کەسە کرا کە بۆمبەکەی داناوە دەرکەوت، کەسەکە نەخۆشی دەروونی هەبووە و تووشبووی ئۆتیزم بووە.
دوێنێ هەینی بەهۆی ئەم رووداوەوە بۆ ماوەیەک رێگای کەرکوک – بەغداد داخرا.
