ئەستێرەی تێنسی سەرزەویی ئیستۆنی، ئانیت کۆنتاڤیت لە قۆناغی نیوەی کۆتایی پاڵەوانێتی کۆتایی (ATP) بردنەوەی بەرامبەر ماریا سکاری تۆمارکرد.
لە شاری گوادالاخارا – مەکسیک، چالاکییەکانی پاڵەوانێتیی کۆتایی (ATP) بەردەوامن، لە چێوەی یارییەکانی قۆناغی نیوەی کۆتاییدا ئانیت کۆنتاڤیت بە ئەنجامی دوو کۆمەڵە بەرامبەر بە کۆمەڵەیەک بردنەوەی بەرامبەر ماریا سکاریی یۆنانی تۆمارکرد، (6-1)، (3-6)، (6-3).
پێشتریش لەهەمان قۆناغدا گاربینی موگۆرزای ئیسپانی بردنەوەی بەرامبەر پاولا پادۆسا-ی هاونیشتمانی تۆمارکردبوو، واتا لە یاریی کۆتاییدا هەریەک لە موگۆرزا و کۆنتاڤیت ڕووبەڕوودەبنەوە.
کۆنتاڤیت لە قۆناغی کۆمەڵەکاندا بەرامبەر گاربینی موگۆرزای ڕکابەری یارییکردبوو، بە ئەنجامی دوو کۆمەڵەی بێوەڵام (6-3)، (6-3) دۆڕاندنی تۆمارکرد، یاری کۆتایی پاڵەوانێتییەکە باشترین چانسە تاوەکو تۆڵەی دۆڕاندنی قۆناغی کۆمەڵەکان بکاتەوە.
