فڕۆکەی بێفڕۆکەوان چەند بنکەیەکی گروپە چەکدارەکانی نزیک لە ئێرانی بۆردومانکرد

ڕوانگەی سوری بۆ مافەکانی مرۆڤ ڕایگەیاند، لە ماوەی چەند کاتژمێری ڕابردوودا، فڕۆکەی بێفڕۆکەوانی نەناسراو، چەند جارێک بۆردومانی بنکەی گروپە چەکدارەکانی نزیک لە ئێرانی لە خاکی سوریادا کردووە.

بەپێی زانیارییەکانی ئەو ڕێکخراوە، فڕۆکەکە چەکدارانی نزیک لە ئێرانی لە گوندەوارەکانی دیرەزور بۆردومانکردووە.

لە چێوەی بۆردومانەکاندا، بنکەیەکی چەکدارەکان لە ناوچەی ئەلبوکەمال لە سنووری سوریا – عێراق بۆردومانکراوە.

بۆردومانی ئەمجارەی فڕۆکەی بێفڕۆكەوان جیاوازتر لە جارانی دیکە، کێڵگەیەکی نەوتی چەکدارەکانیشی بۆردومانکردووە.

ئەو ناوچەیە کە فڕۆکەکە بۆردومانیکردووە، پێشتر چەند جارێک فڕۆکەی ئیسرائیلی بۆردومانی چەکدارەکانی نزیک لە ئێرانی تیادا کردووە.

ئیسرائیل ترسی هەیە ناوچەی ئەلبوکەمال لەنێوان سوریا – عێراق ببێتە دەروازەی پەڕینەوەی ئێران بۆ سوریا و لەوێشەوە بۆ لوبنان.

بابەتی پێشتر

کۆمەڵەی پێشمەرگە دێرینەکان سكاڵا لەسەر ئەنجومەنی وەزیران تۆماردەكات

بابەتی دواتر

تۆنێك شمەك بە 2500 دینار دادەگرن و پارەیان نەدراوەتێ

بابەتی پەیوەندیدار
Total
2
Share