زۆرینەی خەڵک وا راهاتوون نان و سەموون لە بەفرگردا هەڵدەگرن دواتر گەرمیدەکەنەوە و دەیخۆن، پزیشکێکیش سوودی ئەم رۆتینە ئاشکرادەکات.
شینتاڵ باتیل پزیشک لە دەستەی خزمەتگوزاری تەندروستیی نیشتمانیی بەریتانی دەڵێت، کاتێک بۆ ماوەی شەوێک نان یان سەموون لەناو بەفرگردا هەڵدەگریت و بۆ رۆژی دواتر گەرمیدەکەیتەوە، پێکهاتەی نیشاستەکە بە جۆرێک دەگۆڕێت کە بەکتریای سوودبەخشی گەدە بەرهەمدەهێنێت.
ئاماژە بەوەشدەکات، بەستنی نان یان سەموون دەبێتە هۆی کەمکردنەوەی گلاسیمی بە رێژەی 30%، کە بە هۆی ئەمەوە ئاستی شەکر لە خوێندا دادەبەزێت.
بە وتەی شارەزایان دانانی نان یان سەموون لە ساردکەرەوەدا لەبری بەفرگر هەمان سوودی دەبێت.
