بەهۆی دوو بومەلەرزەوە لە پارێزگای “هرمزگان” بە پلەی 6,5 ڕێختەر، تا ئێستا کەسێک گیانیلەدەستداوە و چەندین کەسی دیکە برینداربوون.
بومەلەرزەکە کە ناوەندەکەی لەناو ئێراندا بووە، هێندە بەهێزبووە لە ئیمارات و کەناراوەکانی ئەو وڵاتەدا هەستیپێکراوە.
مانگی سوری ئێرانی ڕایگەیاندووە، “بەهۆی بەهێزیی بومەلەرزەکەوە ستوونێکی کارەبا کەوتووە بەسەر کەسێکدا و کوشتوویەتی، هاوکات چەندین کەسی دیکە برینداربوون”.
بومەلەرزەکان لەماوەی چەند خولەکێکدا بەدوای یەکدا ڕوویانداوە و دانیشتووانی “بەندەر عەباس و لافت و کیش” و چەندین ناوچەی دیکە هەستیانپێکردووە.
ناوەندی لێکۆڵینەوەی بومەلەرزە لە ئێران ڕایگەیاندووە، “بومەلەرزەکان لە نزیک لافت و سوزا و دەرگهان ڕوویانداوە و زیانی ماددییان بەو ناوچانە گەیاندووە”.
