ئەستێرەی ئینگلیزی یانەی ڕۆما، تامی ئەبراهام ئاماژە بە کاریگەرییەکانی جوزێ مۆرینیۆ دەکات لەسەر ڕەوتی بەرەوپێشچوونی تواناکانی و خەونی گەیشتنی بە مۆندیالی قەتەر.
ئەستێرەکەی تریگۆریا دەڵێت، “مۆرینیۆ پێیوتم تەنها ببە بە دێوەزمە، بابەتەکە پەیوەندی بەوەوە هەیە هەرچەندە ئارام و لەسەرخۆبیت بەرگریکاران باشتر کۆنتڕۆڵت دەکەن، بەڵام کاتێک دەبیتە دێوەزمەیەک بەرگریکاران لێتدەترسن، ئێستا ئەو بابەتە فێربووم و باشتریش دەبم”.
هەروەها دەڵێت، “هەرگیز نامەوێت دەستبەرداری خەونەکانم بم لە یاریکردن لە خولی نایابی ئینگلیزی، لە دەرەوەی خولەکەش هەمیشە دوودڵیت و خەونت گەڕانەوەیە، چونکە باشترین خولە لە جیهاندا”.
هێرشبەرە ڕەشئەسمەرەکەی ئینگلتەرا، لەم وەرزەدا 17 یاری بۆ یانەی ڕۆما کردووە (بەخواستن لە ڕۆمایە)، پێنج گۆڵی تۆمارکردووە و دوو گۆڵی ڕەخساندووە.
