چەندین یاریزانی ناودار لەنمونەی کیلیان مباپێ و عوسمان دێمبیلی، تاوەکو ئێستا بۆندەکانیان نوێنەکراوەتەوە و لە گواستنەوەکانی هاوینی 2022 نرخیان دەبێتە بێبەرامبەر.
بەپێی یاسای “بۆسمان”، ئەو یاریزانەی بۆندەکەی کۆتاییدێت، دەتوانێت بێبەرامبەر ڕوو لەهەر یانەیەکی دیکە بکات، مەرجە لەسەر یانە خوازیارەکان تەنها موچە و پاداشتەکانی بە گرێبەستێکی نوێ بۆ تەرخانبکەن.
هاوینی 2022 کە گواستنەوەکانی هاوینە دەستپێدەکات، هەریەک لە کیلیان مباپێ، عوسمان دێمبیلی، پۆل پۆگبا و فرانک کیسی دەبن بە یاریزانی سەربەست.
کۆی گشتیی تێچووی ئەو یاریزانە ناودارانەی بۆندەکانیان کۆتاییدێت 603 ملیۆن یورۆیە، ئەگەر یانەکانیان سەرکەوتوبێت لە نوێکردنەوەی گرێبەستەکانیان، بەردەوامدەبن، بەپێچەوانەشەوە ئەو بڕەیان پێنادرێت و بێبەرامبەر ڕوودەکەنە خول و یانەیەکی دیکە.
ئەو یاریزانانەش پێکهاتوون لە:
- کیلیان مباپێ 160 ملیۆن یورۆ
- پۆل پۆگبا 60 ملیۆن
- فرانک کیسی 55 ملیۆن
- پاولۆ دیبالا 50 ملیۆن
- عوسمان دێمبیلی 50 ملیۆن
- لۆرینزۆ ئینسینی 48 ملیۆن
- مارسێلۆ برۆزۆڤیچ 40 ملیۆن
- ئەنتۆنیۆ ڕۆدیگێر 35 ملیۆن
- نیکلاس سولی 35 ملیۆن
- ئەندریا بیلۆتی 35 ملیۆن
