تەنها ئەمڕۆ چوار ئۆتۆمبێل لە هەولێر سووتاون و بەرگریی شارستانیی شارەكە دەڵێت، ژمارەكە لەمساڵدا گەیشتە 172 ئۆتۆمبێل.
بەڕێوەبەرایەتیی بەرگریی شارستانیی هەولێر رایگەیاند، ئەمڕۆ چوار ئۆتۆمبێل لە شاری هەولێر سووتان كە دووانیان بەهۆی لێچوونی بەنزین و دووانی دیكەشیان بەهۆی فیول پەمپەوە بووە.
دەشڵێت، “خراپی بەنزین و بەرزی رێژەی غاز لەناو بەنزینەکەدا هۆکاری سەرەکین بۆ سووتان”.
لە سەرەتای ئەمساڵەوە تائێستا ئاماری رووداوەكان گەیشتە سووتانی 172 ئۆتۆمبێل، بەرگریی شارستانیی هەولێر وادەڵێت.
