فەیسبووك بەكارهێنانی ئامرازی ئایینی و سیاسی و سێكسی بۆ كاركردنەسەر بەكارهێنەران قەدەغەدەكات

كۆمپانیای فەیسبووك ڕایگەیاند، بەكارهێنانی ئامرازی ئایینی و سیاسی و سێكسی بۆ كاركردنەسەر بەكارهێنەران لە ڕیكلام و بانگەشەدا قەدەغەدەكات.

بەپێی بڕیارە نوێیەكەی كۆمپانیاكە، ئەوانەی لە فەیسبووكدا ڕیكلام و بانگەشە دەكەن، ڕێگەیان پێنادرێت لەڕێگەی ئەو بابەتانەوە كە جێگەی بایەخی خەڵكن و هەستیارن وەك نەژاد و ئایین و سێكس و سیاسەت، گوتار ئاراستەی خەڵك بكەن و كاریگەرییان بخەنەسەر.

ئەو كەس و لایەنانەی لە فەیسبووكدا بانگەشە و ڕیكلام بۆ بیر و چالاكی و كاڵا و بەرهەمەكانیان دەكەن، لەڕێگەی زیرەكیی دەستكردەوە دەتوانن حەز و ویستەكانی بەكارهێنەران بزانن و لەڕێگەی پەیبردن بەو لایەنانەی كە لە ڕووەكانی نەژادی و ئایینی و سیاسی و كۆمەڵایەتییەوە بەلای بەكارهێنەرانەوە گرنگن، گوتار و بانگەشەكانیان ئاراستە دەكەن.

كۆمپانیای فەیسبووك بڕیاری داوە لە 19ی مانگی كانونی دووەمی 2022ـەوە، هەزاران ڕیكلام و بانگەشە و پەڕە و هەژمار و گروپ بسڕێتەوە كە بەشدارن لە چالاكیی لەو جۆرەدا.

بەپێی زانیارییەكان، داهاتی كۆمپانیای فەیسبووك لەمساڵدا 84 ملیار دۆلار بووە و زۆربەی ئەو داهاتە لەڕێگەی ڕیكلامەوە بەدەستهاتووە.

بابەتی پێشتر

لیرەی توركی دابەزینی پێوانەیی دیكەی تۆماركرد

بابەتی دواتر

وەزارەتی دارایی ڕوونكردنەوە لەبارەی ڕێنماییەكیەوە دەدات

بابەتی پەیوەندیدار
زیاتر ببینە

مۆسكۆڤیچ دێتەوە

ڕوسیا دروستكردنی ئۆتۆمبێلی مۆسكۆڤیچ دەستپێدەكاتەوە سێرگی سۆبیانین شارەداری مۆسكۆ ئاشكرایكرد، دەستدەكەنەوە بە دروستكردن و بەرهەمهێنانی ئۆتۆمبێلی مۆسكۆڤیچ لەو…
Total
0
Share