وەزیری ناوخۆ و چەند وەزیرێكی پەیوەندیداری حكومەتی هەرێم لەبارەی كۆچبەرانی كوردەوە لە بیلاڕوسیا لە كۆبوونەوەدان.
پەیامنێری تۆڕی میدیایی ئێستا لە هەولێر گواستیەوە، كەمێك لەمەوبەر ڕێبەر ئەحمەد، وەزیری ناوخۆ لەگەڵ ژمارەیەك لە وەزیرە پەیوەندیدارەكان و پارێزگارەكان و بەرپرسی ئیدارە سەربەخۆكان، لەسەر كۆچی هاوڵاتییانی كورد لە سنوورەكان، دەستیان بە كۆبوونەوە كرد.
لە كۆبوونەوەكەدا تاوتوێی دۆزینەوەی ڕێگەچارەیەك بۆ ئەو كۆچبەرانە دەكەن، كە لە ئێستادا لە دۆخێكی ناهەمواردان، لەگەڵ نوێنەرانی بیلاڕوسیا و پۆڵەنداش قسەیانكردووە بۆ ئەوەی تا بڕیارێك لەبارەی چارەنووسیان دەدرێت، كەمپیان بۆ دروستبكرێت و هاوكاریی بكرێن.
هەروەها لە كۆبوونەوەكە تاوتوێی گرتنبەری ڕێكاری یاسایی لە دژی ئەو قاچاخچییانە دەكەن كە هاوڵاتییانی كوردیان گەیاندووەتە ئەو وڵاتانە.
هەر بەپێی زانیارییەكانی پەیامنێری تۆڕی میدیایی ئێستا، كۆبوونەوەی داهاتوویی ئەنجومەنی وەزیران لەسەر هەمان پرس دەبێت.
