بەمەبەستی پشتگیریکردنی مامۆستایان و فەرمانبەرانی مانگرتوو، ئەمڕۆ و بۆ ماوەی یەک کاتژمێر دووکانەکانی ناو بازاڕی سلێمانی دادەخرێن.
پەیامنێری تۆڕی میدیایی ئێستا گواستییەوە، لەسەر داوای ژمارەیەک لە رێکخراوەکانی کۆمەڵگەی مەدەنی و بۆ پشتگیری لە مامۆستایان و فەرمانبەرانی مانگرتوو ئەمڕۆ دووکانەکانی ناو بازاڕی سلێمانی بۆ ماوەیەک دادەخرێن.
ئاماژەی بەوەشکرد، داخستنی دووکانەکان ماوەی یەک کاتژمێر دەخایەنێت، لە کاتژمێر 11:00 بۆ 12:00 ی نیوەڕۆ دەبێت و دواتر کارکردن ئاسایی دەبێتەوە.
