یانەی بەرشلۆنەی ئیسپانی لە ڕاگەیەندراوێكدا بڵاویكردەوە، چاڤی هێرناندێز تا ساڵی 2024 وەك ڕاهێنەر سەرپەرشتیی بەرشلۆنە دەكات.
چاڤی هێرناندێز كە پێشتر 17 ساڵ یاری بۆ بەرشلۆنە كردووە، ئێستا تەمەنی 41 ساڵە و بۆ دوو وەرز و نیو بووە بە ڕاهێنەری یانە كەتەلۆنییەكە.
چاڤی 767 یاری بە درێسی بەرشلۆنەوە ئەنجامداوە و 25 ناسناویشی لەگەڵدا بردووەتەوە.
یانەی بەرشلۆنە پاش شكستی یارییەكەی ڕایۆڤالیكانۆ لە خولی ئیسپانیا، ڕۆناڵد كومانی لە پۆستی ڕاهێنەرایەتی دوورخستەوە و پەیوەندی بە چاڤییەوە كرد بۆ ئەوەی جێگەی بگرێتەوە.
چاڤی لەماوەی ڕابردوودا ڕاهێنەری یانەی سەدی قەتەڕی بووە و 9 ناسناوی بۆ یانە قەتەڕییەكە بەدەستهێناوە.
