ئاژانسی ناسای ئەمریکی ئاشکرایکرد لەم مانگەدا کەشتیی ئاسمانیی (DART) ڕەوانەی بۆشایی ئاسمان بکات، ئەمەش بەمەبەستی پارێزگاریکردنە لە زەوی و ڕووبەڕووبوونەوەی ئەو هەسارۆچکانەیە کە بەرەو زەوی دێن.
ئاژانسی ڕۆیتەرز بڵاویکردەوە، کەشتیی ئاسمانیی دارت لە ڕێکەوتی 23ی ئەم مانگەدا ڕەوانەی بۆشایی ئاسمان دەکرێت، کەشتییەکە لەلایەن کۆمپانیای SPACE X دروستکراوە و موشەکێکی لەجۆری Falcon9 هەڵگرتووە و لە کالیفۆرنیاوە ڕەوانەی بۆشایی ئاسمان دەکرێت.
دارت دوای 10 مانگ لە ڕەوانەکردنی و لەدووریی 11 ملیۆن کیلۆمەترەوە لە زەوی ئامانجەکەی دەپێکێت کە هەسارۆچکەی دیدیمۆس-ە.
نانسی چابوت زانای فیزیایی لە زانکۆی جۆنز هۆبکنز و هاوبەش لەکارەکانی ئاژانسی ناسا دەڵێت، پێکدادانی کەشتییەکە و هەسارۆچکەکە، ناتوانێت بەتەواوی هەسارۆچکەکە لەناوببات بەڵکو لێدانێکە بۆ هەسارەکە کە کاریگەریی لەسەر کەمکردنەوەی مەترسییەکانی بۆسەر زەوی دەبێت.
