درەنگانی شەوی ڕابردوو فرۆشگایەكی خواردنەوە كهولییەكان لە كەركوك تەقێندرایەوە، پۆلیس دەڵێت، زیانی گیانی نەبووە.
پۆلیسی كەركوك ڕایگەیاند، كاتژمێر 03:00ی بەرەبەیان فرۆشگایەکی مەی لە گەڕەکی بەدر كراوەتە ئامانج و لەڕێی بۆمبەوە تەقێندراوەتەوە.
تەقینەوەكە زیانی ماددی بە فرۆشگاكە گەیاندووە، بەڵام هیچ زیانێكی گیانی بەدواوە نەبووە، وەك ئەوەی پۆلیس ئاماژەی پێداوە.
گەڕەكی بەدر ناوچەیەكی عەرەبنشینی كەركوكە.
