ئێوارەی ئەمڕۆ کاتژمێر 9:45 خولەک لە نزیک پردێ چەکدارانی داعش، هێرشیان کردۆتە سەر لیوای 10ی هێزەکانی پێشمەرگە و بەهۆیەوە دوو پێشمەرگە شەهید بوون.
سەرچاوەیەک لەناو لیوای 10ی وەزارەتی پێشمەرگە بەتۆڕی میدیایی ئێستای وت “هێرشەکەی چەکدارانی داعش لە ناوچەی زرگە زراو لە سنووری میحوەری کەرکووک بووە و بەهۆیەوە دوو پێشمەرگە شەهید بوون و هێرشەکەش تێکشکێندراوە”.
بەپێی ئەو زانیارییانەی کە بەرپرسانی ئەو میحوەرە ڕایانگەیاندووە، “چەکدارانی داعش بە بیکەسی تەقەیان لە پێشمەرگە کردووە و نەیانتوانیووە بچنە سەرنگەرەکانی پێشمەرگەوە”.
