هەموو جۆرەكانی ڤیزای ئێران بە گەشتیاریشەوە بۆ هاوڵاتییانی هەرێمی كوردستان ئاساییكرایەوە و وەرگرتنیشی بێبەرامبەر دەبێت.
کونسوڵگەریی کۆماری ئیسلامیی ئێران لە سلێمانی ڕایگەیاند، لەمەولا بۆ وەرگرتنی هەر جۆرە ڤیزایەکی ئێران، بە گەشتیاریشەوە، هاوڵاتییانی هەرێمی کوردستان دەتوانن لە ڕێگەی کۆمپانیا و نووسینگەکانی گەشتیاری داواکاری پێشکەش بکەن و ببنە خاوەنی ڤیزای ئێران و بە ڕەچاوکردنی پرۆتۆکۆڵە تەندروستییەکان گەشتی کۆماری ئیسلامیی ئێران بکەن.
کونسوڵگەرییەكە ئاماژەی بەوەشداوە، پێدانی ڤیزا لە کونسوڵگەری بەخۆڕاییە و کۆمپانیا و نووسینگە گەشتیارییەکان لە بەرامبەر وەرگرتنی هەر ڤیزایەک بۆیان نییە لە پێنج هەزار دینار زیاتر لە هاوڵاتییان وەربگرن.
