رۆژی چوارشەممە، سەرۆک وەزیرانی عێراق سەردانی سلێمانی دەکات و لەگەڵ سەرۆكی یەكێتیی نیشتمانیی كوردستان کۆدەبێتەوە.
سۆزان مەنسور، بڕیاردەری فراكسیۆنی یەكێتی لە ئەنجومەنی نوێنەرانی عێراق رایگەیاند، لە چوارچێوەی سەردانەكەیدا بۆ سلێمانی، پێدەچێت محەمەد شیاع سودانی، سەرۆك وەزیرانی عێراق بەشداریی دیداری سلێمانی بكات كە لەلایەن زانكۆی ئەمریكی لە عێراق – سلێمانی (AUIS) رێكدەخرێت.
دەشڵێت، چاوەڕواندەكرێت جگە لە یەکێتی، لەگەڵ حزب و لایەنەكانی دیكەش كۆببێتەوە.
رۆژی پێنجشەممەی رابردوو 10/4/2025، بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ محەمەد شیاع سودانی، سەرۆك وەزیرانی عێراق لە بەغداد كۆبووەوە.
