ئەستێرەی بەرازیلیی یانەی ڕیاڵ مەدرید، مارسێلۆ دا سیلڤا بڕیاری کۆتایی لەبارەی داهاتوویەوە داوە و ئیدارەی یانەی شاهانەشی ئاگادارکردووەتەوە.
بەپێی زانیارییەکانی ڕۆژنامەی “ئیل ناسیوناڵ”، مارسێلۆ لە دوایین کۆبوونەوەدا بە فلۆرنتینۆ پێرێزی سەرۆکی یانەی شاهانەی ڕاگەیاندووە، وەرزی داهاتوو لە مەدرید بەردەوامنابێت و ڕوو لە یانەیەکی دیکە دەکات.
هەمان سەرچاوە ئەوەشی ئاشکراکردووە، کە یانەکانی فلۆمینێزی لە بەرازیل و چەندین یانەی خولی ئەمریکا و کەنداوی عەرەبی خواستیان لەسەر بەرگریکارە چەپلەرەکەی سیلیساو نیشانداوە.
مارسێلۆ لە تەمەنی وەرزشیدا 530 یاریی بە درێسی یانەی ڕیاڵ مەدریدەوە لە سەرجەم خول و پاڵەوانێتییەکان ئەنجامداوە، 38 گۆڵی تۆمارکردووە و 101 گۆڵی ڕەخساندووە، بە درێسی سپی مەدریدەوە 22 ناسناوی بەکۆمەڵی بەدەستهێناوە.
