یانه‌ی پاریس سان جێرمان ڕووبه‌ڕووبوونه‌وه‌ی ١١ی خولی فه‌ره‌نسای به‌رامبه‌ر مارسیلیا ئه‌نجامدا، یارییه‌که‌ش به یه‌کسانبوون به‌بێ گۆڵ کۆتاییهات.
ئه‌مشه‌و یه‌کشه‌ممه، له چێوه‌ی یارییه‌کانی هه‌فته‌ی ١١ی خولی پله یه‌کی فه‌ره‌نسا، یانه‌ی مارسیلیا له ستاد ڤیلۆدرۆم میوانداریی یانه‌ی پاریس سان جێرمانی کرد، یارییه‌که به ئه‌نجامی (0-0) کۆتاییهات.
سه‌رباری ئه‌وه‌ی له خوله‌کی 57 ئه‌شره‌ف حه‌کیمی به‌رگریکاری پاریس به کارتی سوور له یاریگا کرایه ده‌ره‌وه، به‌ڵام یانه‌ی خانه‌خوێ سه‌رکه‌وتوو نه‌بوو له تۆمارکردنی گۆڵ، هه‌روه‌ها ئه‌ستێره‌کانی پاریس به‌هه‌مان شێوه له‌به‌رده‌م گۆڵی ئه‌ستێره‌کانی باشووردا سه‌رکه‌وتوو نه‌بوون.
به‌پێی ئه‌نجامه‌که، پاریس سان جێرمان به کۆکردنه‌وه‌ی 28 خاڵ له لوتکه‌ی ڕیزبه‌ندیی یانه‌کانی فه‌ره‌نسا به‌رده‌وامبوو، هه‌روه‌ها یانه‌ی مارسیلیا به 18 خاڵه‌وه له پله‌ی چواره‌می ڕیزبه‌ندییدا جێگیربوو.
