سەرۆكی لیژنەی پەروەردە و خوێندنی باڵا لە پەرلەمانی كوردستان هۆکاری ڕانەگەیاندنی ئەنجامەکانی زانکۆلاین ڕادەگەیەنێت و دەڵێت، کێشەیەک لە مامەڵەی ئەو کەسانەدا هاتووەتەپێش کە ڕاستەوخۆ فۆڕمیان پڕکردووەتەوە”.
عەبدولسەلام دۆڵەمەڕی، سەرۆكی لیژنەی پەروەردە و خوێندنی باڵا لە پەرلەمانی كوردستان لە ڕوونکردنەوەیەکدا کە وێنەیەکی بۆ تۆڕی میدیایی ئێستا نێردراوە تێیدا هاتووە، “لە ئەنجامی بەدواداچوونمان بۆ ھۆکاری دواکەوتنی ئەنجامی وەرگرتنتان لە زانکۆ و پەیمانگاکان ، لە پێنج شەممەی ڕابردووەوە لە ناوەندی وەرگرتن ، ڕێکارەکان تەواو ببوون، بەڵام ھەندێک گرفت لە وانەی کەوا ڕاستەوخۆ مامەڵەی وەرگرتنیان پێشکەش کردبوو، ھاتووەتە پێش ، لە ئێستادا کاری ووردتر پێویستە، بۆیە ئەمڕۆ ئەنجامەکانی زانکۆلاین ڕانەگەیەندرا و دواخرا تا دیراسەیەکی باشتر بکرێت و ھەڵەکانی ساڵی پار دووبارە نەبنەوە”.
پێشتر وەزارەتی خوێندنی باڵا و توێژینەوەی زانستی ڕایگەیاندبوو 52 هەزار و 533 خوێندکاری دەرچووی پۆلی 12 داواکارییان بۆ وەرگرتن لە زانکۆکان پێشکەشکردووە.
