لە سبەینێوە دەست بە دابەشكردنی مووچەی ئەم مانگەی مووچەخۆرانی هەرێم دەكرێت و یەكەم وەزارەتیش دیاریكرا.
بەپێی ئەو ڕاگەیەنراوەی وەزارەتی دارایی و ئابوریی حكومەتی هەرێم بڵاویكردووەتەوە، سبه‌ینێ مووچه‌ی مانگی 10ی وه‌زاره‌تی ته‌ندروستی به هه‌مان میكانیزمی مانگی پێشوو و بێ لێبڕین دابه‌شده‌كرێت.
حكومەتی هەرێم لە 25ی هەموو مانگێك دەست بە دابەشكردنی مووچە دەكات و بەپێی داهاتەكانی بەردەستی لیستی مووچەی وەزارەت و فەرمانگەكان بڵاودەكاتەوە.
ئەمە چوارەم مانگە لەسەریەك حكومەتی هەرێم مووچە بێلێبڕین دابەشبكات، كە پێشتر بە لێبڕینی 21%ــەوە بوو بە بیانووی نەبوونی داهاتی تەواو.
بەرپرسانی حكومی توانای دابەشكردنی مووچە بێلێبڕین دەبەستنەوە بە ناردنی 200 ملیار دینارەكەی بەغدادەوە، كە تائێستا بۆ ئەم مانگە نەگەیشتووە.
