وەزارەتی دارایی هەرێم خشتەی مووچەی فەرمانبەرانی بۆ مانگی نیسان بڵاوكردەوە و دەڵێت، “خشتەی مووچەی فەرمانبەران بەپێی ئەو تەمویلە ئامادەكراوە كە لەلایەن وەزارەتی دارایی حكومەتی عێراقەوە نێردراوە”.
كەمێك پێش ئێستا وەزارەتی دارایی هەرێم خشتەی مووچەی مانگی نیسانی بڵاوكردەوە و بەپێی ئەو خشتەیە، دیوانی وەزارەتی پێشمەرگە، لیواكان، ئەنجومەنی ئاسایش، دەزگای ئاسایشی هەرێم، هێزەكانی زێرەڤانی، بەرگریی و فریاكەوتن، یەكەكانی 70 و 80ی پێشمەرگە و پۆلیسی دامودەزگا نەوتییەكان لە خشتەی مووچەكەدا نییە.
هەر ئەمڕۆ وەزارەتی دارایی هەرێم بڵاویكردەوە بڕی 443 ملیار دینار لەلایەن وەزارەتی دارایی عێراقەوە بۆ مووچەی مووچەخۆران خرایە سەر هەژماری وەزارەتی دارایی هەرێم.
