بافڵ جەلال تاڵەبانی، سەرۆكی یەكێتیی نیشتمانیی كوردستان لە یادی دامەزراندنی رێكخراوی ئازادی لاوانی كوردستان پەیامێكی بڵاوكردەوە و رایدەگەیەنێت، “لای ئێمە لاوان و گەنجان پێگەیەكی تایبەتیان هەیە”.
لە پەیامەكەی سەرۆكی یەكێتیدا هاتووە،”بەڕێزان سكرتێر و سكرتاریەت و ئەندامانی رێكخراوی ئازادی لاوانی كوردستان لە یادی 26 ساڵەی دامەزراندنی رێكخراوەكەتاندا لە دڵەوە پیرۆزبایی گەرم لە ئێوە و تەواوی لاوانی كوردستان دەكەم و هیوای سەركەوتنی زیاترتان بۆ دەخوازم”.
دەشڵێت، “لای ئێمە لاوان و گەنجان پێگەیەكی تایبەتیان هەیە و هەمیشە باوەڕم وایە هیچ پێشكەوتن و گۆڕانكارییەك لە هەرێمەكەمان بەبێ بەشداریی كارای لاوان بەدینایەت، بۆیە ئەركی هەموولایەكە هاوكارتان بن و پێزانینیان هەبێت بۆ ئەو خزمەتە گەورەیەی پێشكەشی دەكەن و خۆشم پشتیوانیی بەردەوامتان دەبم.
وتیشی، “هیوادارم بە سوودبینین لە پێشكەوتنەكانی سەردەم هاریكار و رێگانیشاندەری لاوان بن تاوەكو ئەوانیش بە گیانێكی داهێنەرانەوە هەوڵی بەرەوپێشبردنی كوردستانەكەمان بدەن”.
