وتەبێژی بەنزینخانەکانی سلێمانی رایگەیاند، دابەشکردنی بەنزینی 750 دیناری بەردەوامە و رۆژانە بە نزیکەیی لە 15بەنزینخانە دابەشدەکرێت.
بەهمەن شێخ قادر وتەبێژی بەنزینخانەکانی سلێمانی بە تۆڕی میدیایی ئێستای راگەیاند، “ئەم ماوەی دوایی هاتنی بەنزینی 750 دینای بە شێوەی رێکوپێک بەردەوام بووە و بە نزیکەیی رۆژانە لە 15 بەنزینخانە بەردەستە”.
ئاماژەی بەوەشکرد، “دابەشکردنی ئەو جۆرە بەنزینە کاریگەری باشی لەسەر دابەزینی نرخی بەنزینی بازرگانی کرد، بەڵام، ئەم چەند هەفتەیە کە زیاتر نرخەکەی دانەبەزی پەیوەندی بەو دۆخە سیاسییەوە هەبوو کە لە عێراقدا بەهۆی پرۆژە یاسای بودجەوە دروستبوو”.
