ڕەوتی سەدر بۆ ئێستا: دەمانەوێت كورد لە هاوپەیمانێتییەكەمان بەشداربێت

ئەندامێكی شاندی دانوستانكاری ڕەوتی سەدر ئاشكرایدەكات، بەمنزیكانە شاندەكەیان سەردانی هەرێمی كوردستان دەكات و لەگەڵ چەند لایەنێكی كوردی دانوستان دەكەن لەبارەی پێكهێنانی حكومەتی داهاتووی عێراق.

حاكم زاملی، ئەندامی شاندی دانوستانكاری ڕەوتی سەدر، لە لێدوانێكی تایبەت بە تۆڕی میدیایی ئێستا ڕایگەیاند، “بەفەرمانی بەڕێز موقتەدا سەدر شاندی دانوستانكارمان بۆ پێكهێنانی حكومەت و گەورەترین فراكسیۆنی پەرلەمانی پیكهێناوە”.

وتیشی، “بەمنزیكانە دەكەوینە دانوستان بۆ پێكهێنانی گەورەترین فراكسیۆنی پەرلەمان و حكومەت”.

دەربارەی سەردانیكردنیان بۆ هەرێمی كوردستان، زاملی ئەوەی بۆ ئێستا ئاشكراكرد، بەمنزیكانە شاندەكەیان سەردانی هەرێمی كوردستان دەكات و لەگەڵ چەند لایەنێكی كوردستانی دانوستان دەكەن بۆ پێكهێنانی هاوپەیمانێتییەكە و حكومەت.

ئەندامی شاندەكەی ڕەوتی سەدر وادەی سەردانی شاندەكەیانی ئاشكرانەكرد، بەڵام جەختی لەوەكردەوە، هاتنیان بۆ هەرێمی كوردستان نزیكە و دەیانەوێت كوردیش بەشداربێت لە هاوپەیمانێتییەكەیان.

بەپێی ئەنجامە بەراییەكانی هەڵبژاردن كە كۆمسیۆنی باڵای سەربەخۆی هەڵبژاردنەكان بڵاویكردووەتەوە، ڕەوتی سەدر بە سەرۆكایەتیی موقتەدا سەدر زیاتر لە 70 كورسیی ئەنجومەنی نوێنەرانی بەدەستهێناوە و براوەی یەكەمی هەڵبژاردنەكەیە.

بابەتی پێشتر

ژووری بازرگانیی سلێمانی هۆکارەکانی گرانبوونی بەنزین ڕادەگەیەنێت

بابەتی دواتر

ئەمریكا قەرەبووی خێزانێكی ئەفغانی دەكات

بابەتی پەیوەندیدار
زیاتر ببینە

كه‌شناسیی هه‌رێم: سبه‌ینێ شه‌خته‌ دروستده‌بێت و به‌فربارین كۆتایی دێت

به‌ڕێوه‌به‌رایه‌تیی كه‌شناسی و بومه‌له‌رزه‌زانيى هه‌رێمى كوردستان پێشبینییه‌كانى ئه‌مڕۆ و ‏سبه‌ینێی كەشوهەوای پارێزگاكانى هه‌رێمى بڵاوكرده‌وه‌، ئه‌مڕۆ له‌ سلێمانى، هه‌ڵه‌بجه‌…