موقتەدا سەدر ڕێبەری ڕەوتی سەدر، كاره‌كانی نوێنه‌رە تایبەتەكەی خۆی له شاری كه‌ركوك هه‌ڵپەسارد.
لە نووسراوێكدا كه نووسینگه‌ی تایبه‌تیی موقتەدا سەدر ئاراسته‌ی ئه‌ندام و لایه‌نگرانی ڕه‌وته‌كه‌ی كردووە، ئاماژە بەوە كراوە، بڕیاردرا به سڕكردن و هه‌ڵپه‌ساردنی كاره‌كانی حوسێن شممه‌ری نوێنه‌ری موقته‌دا سه‌در له پارێزگای كه‌ركوك.
ئەوەش هاتووە، بڕیاری سڕكردنی كاره‌كانی ناوبراو له ئه‌مڕۆوه ده‌چێته بواری جێبه‌جێكردنه‌وه و تا كاتێكی نادیاریش به‌رده‌وامده‌بێت، بەبێ ئەوەی نووسراوەكە هۆكاری ڕاگرتنی كارەكانی نوێنەرەكەی سەدر لە كەركوك ڕوونبكاتەوە.
