کۆنگرێسی ئەمریکا، پڕۆژەیاسایەکی لە بەرژەوەندیی عێراق پەسەندکرد و بەپێی پڕۆژەیاساکە، چیدیکە سەرۆکی ئەمریکا ناتوانێت ئۆپراسیۆنی سەربازی لەناو خاکی عێراق ئەنجامبدات.
کۆنگرێسی ئەمریکا بە 261 دەنگی (بەڵێ) لە بەرامبەر 167 دەنگی )نەخێر(، پڕۆژەیاسای (رێگەپێدانی بەرگریی نیشتمانیی) پەسەندکرد، بەوەش یاساکە رێگری دەکات لەوەی سەرۆکی ئەمریکا، لەژێر هەر بیانوویەکدا، کردەوەی سەربازی لە عێراق ئەنجامبدات بەبێ گەڕانەوە بۆ کۆنگرێسی ئەمریکا و دەسەڵاتی بڕیاردانی جەنگ دەگەڕێنێتەوە بۆ کۆنگرێس.
ئەوە لەکاتێكدا، لە ماوەی سێ دەیەی رابردوودا، سەرۆکانی ئەمریکا سوودیان لەو یاسایە وەرگرتبوو، بۆ ئەنجامدانی هێرشی سەربازی بۆسەر ئامانجەکانیان، لە خاکی عێراق.
