زانكۆی سلێمانی نرخی خوێندنی پارالێڵی سەرجەم كۆلێژەكانی بۆ دەوامی بەیانیان و ئێواران بەداشكاندنەوە بۆ ساڵی نوێی خوێندن ئاشكراكرد.
بەپێی ئەو پۆلێنەی زانكۆكە بڵاویكردووەتەوە، کرێی خوێندنی پزیشکیی گشتی و دەرمانسازی و ددان پێنج ملیۆن و 500 هەزار دینارە، بۆ کۆلێژەكانی پەرستاری و پزیشکیی ڤێتەرنەری دوو ملیۆن و 200 هەزارە بۆ هەر ساڵێک.
هەروەها کرێی خوێندنی پارالێڵی ئەندازیاریی تەلارسازی دوو ملیۆن و 750 هەزار دینار، ئەندازیاریی شارستانی دوو ملیۆن و 200 هەزار دینار و ئەندازیاریی کارەبا و سەرچاوەکانی ئاو یەک ملیۆن و 750 هەزار دینارە بۆ یەك ساڵ.
هاوكات كرێی ساڵانەی خوێندنی كۆلێژەكانی پەروەردەی بنەڕەتی، 825 هەزار دینارە.
