درەنگانی شەوی رابردوو لە گەڕەکی لەتیف ئاوای شاری کەرکوک تەقە لە ماڵی مامۆستایەک کرا و تەقەکەرەکان نەناسراون.
پەیامنێری تۆڕی میدیایی ئێستا گواستییەوە، رووداوەکە درەنگانی شەوی رابردوو بە دیاریکراوی کاژمێر 12:55 خولەک روویداوە و لەلایەن ئۆتۆمبێلێکی تایبەتەوە دەستڕێژی گوللـە لە ماڵەکە کراوە.
ئەو مامۆستایەی تەقە لە ماڵەکەی کراوە لە قوتابخانەی دایک مامۆستایە و گوللـە بەر بەشێکی خانووەکەیان و ئۆتۆمبێلەکەی کەوتووە.
لە رووداوەکەدا جگە لە زیانی ماددی هیچ زیانی گیانیی نەبووە.
