خوان لاپۆرتا سەرۆكی بەرشلۆنە بەنیازی ئەنجامدانی دوو گرێبەستە بۆ ئەوەی ڕیزەكانی یانەكەی بەهێزتربكات.
یانەی بەرشلۆنە لە چوار یاریی ڕابردوودا لە خولی ئیسپانیا یەك یاریی براوە بووە و لە دوو یاریی سەرەتای چامپیۆنزلیگیش شكستیهێناوە.
خوان لاپۆرتا دەیەوێت پێكهاتەی یانەكەی بەهێزتربكات و بڕیاریداوە دوو یاریزان لە گواستنەوەی زستانەدا بكڕێت.
بەپێی هەواڵی دەزگاكانی ڕاگەیاندن، ڕەحیم سترلینگی یاریزانی مانچستەر سیتی و دانی ئولمۆی یاریزانی لایبزیگ، ئەو دوو یاریزانەن كە لاپۆرتا چاوی تێبڕیون.
پاش ڕۆیشتنی میسی و گریزمان، تیپەكە لە هێڵی پێشەوە تووشی ئاستەنگی بووە لە تۆماركردنی گۆڵدا و ئەگوێرۆ و دیمبلی و برایسوایتیش بەهۆی پێكانەوە دووركەوتوونەتەوە.
