یانهی لیڤهرپوڵی ئینگلیزی لهچێوهی ڕووبهڕووبوونهوهکانی ههفتهی حهوتهمی پریمهرلیگ، ڕووبهڕووی مانچستهر سیتی بووهوه و یهکسانبوون باڵی بهسهر ئهنجامهکهدا کێشا.
ئهمشهو یهکشهممه، له ئانفێڵد ڕۆدز یانهی لیڤهرپوڵ میوانداریی مانچستهر سیتی کرد، یاریی نێوان دوو یانه زهبهلاحهکهی ئینگلتهرا به یهکسانبوون (2-2) کۆتاییهات.
گۆڵهکانی “ڕێدز” له خولهکهکانی 59، 76 لهلایهن سادیۆ مانێ و محهمهد سهڵاحهوه تۆمارکران، گۆڵهکانی سیتیزن له خولهکهکانی 69، 81 لهلایهن فیڵ فۆدین و کیڤن دی برۆینهوه تۆمارکران.
بهپێی ئهنجامه تۆمارکراوهکه، لیڤهرپوڵی یۆرگن کلۆپ به کۆکردنهوهی 15 خاڵ نهیتوانی لوتکهی ڕیزبهندیی یانهکانی پریمهرلیگ له چێڵسی وهربگرێتهوه و لهپلهی دووهمدا جێگیربوو، له بهرامبهردا سیتی گواردیۆلا به کۆکردنهوهی 14 خاڵ لهپلهی شهشهمهوه بۆ سێیهم سهرکهوت.
