فڕۆكەكانی ئیسرائیل سێ پێگەی كەتیبەكانی قەسامی لە باكووری فەڵەستین بۆردومانكرد.
بەپێی هەواڵی میدیاكانی ئیسرائیل، بەرەبەیانی ئەمڕۆ دووشەممە فڕۆكە جەنگییەكانی ئیسرائیل سێ پێگەی كەتیبەكانی قەسامی فەڵەستینی لە باكووری غەزە بۆردومانكردووە.
ئاماژەیان بەوەشكردووە، فڕۆكەكانی ئیسرائیل لە ناوچەكانی یەرموك لە خان یونس، دێر بلح لە ناوەڕاستی غەزە و پێگەیەكی كەتیبەكانی قەسام بە چوار موشەك لە ڕۆژئاوای ڕەفع بۆردومانكردووە، بەبێ ئەوەی زیانە گیانیەكان بڵاوبكەنەوە.
هاوكات ئیسرائیل كەشتیی سەربازیی وڵاتەكەی بە ئاراستەی ناوچەی عەسقەلان جوڵەپێكردووە كە گروپە فەڵەستینییەكانی تێدایە.
پێشتریش سوپای ئیسرائیل ڕایگەیاندبوو دوێنێ یەكشەممە لە كەرتی غەزەوە موشكێك ئاراستەی ئیسرائیل كراوە و لەلایەن سیستمی “گومەزی ئاسنی” وڵاتەكەوە تێكشكێندراوە.
