چین داوا لە ویلایەتە یەكگرتووەكانی ئەمریكا دەكات هەڵەكانی پەیوەندیدار بە هەڵسوكەوتە بازرگانییەكانی ڕاستبكاتەوە، ئەمەش پاش بڕیاركەی ڕێكخراوی بازرگانیی جیهانی لە بەرژەوەندیی چین.
وەزارەتی بازرگانیی چین ڕایگەیاند، “داوا لە ویلایەتە یەكگرتووەكان دەكەین بەدوای بیانووی زیاتردا نەگەڕێت و بەخێرایی هەڵەكانی ڕاستبكاتەوە لەوەی پەیوەندیدارە بە هەڵسوكەوتە بازرگانییەكان دژ بە چین”.
ڕێكخراوی بازرگانیی جیهانی ڕێگەی بە چین دا ڕسومات بەسەر هاوردەی ئەمریكیدا بسەپێنێت بە بڕی 654 ملیۆن دۆلاری ساڵانە، لە بڕیارێكدا پاش ململانێ درێژەكەی نێوان هەردوو وڵات دەربارەی ڕووبەڕووبوونەوەی نغرۆكردنی بازاڕەكان بە كاڵا.
ناكۆكییەكانی تایبەت بە ڕسوماتی تایبەت بە ڕێوشوێنەكانی پشتیوانی دەگەڕێتەوە بۆ ساڵی 2012، دوای ئەوەی چین داوایەكی پێشكەشكرد بۆ ئەنجامدانی وتووێژ لەگەڵ ویلایەتە یەكگرتووەكان.
