دوای زیادبوونی هێرشەکانی تورکیا لە ڕۆژئاوای کوردستان، ئەمڕۆ دانیشتووانی “تربەسپی”ی سەر بە قامیشلۆ، کاروانێکی سەربازیی ڕوسیا و تورکیایان بەردبارانکرد.
نیوەڕۆی ئەمڕۆ کاتێک کاروانێکی سه‌ربازیی ڕوسیا و تورکیا لە شارۆچکەی ” مه‌عشوق”ی سەر بە تربەسپی سەرقاڵی گەشتی هەفتانەبوون، لەلایەن دانیشتووانی ناوچەکەوە بەردبارانکران.
بەردبارانکردنی کاروانی سەربازیی تورکیا له ڕۆژئاوا مێژوویەکی دوو ساڵەی هەیە و پێشتریش چەندین جار لەلایەن دانیشتووانی کۆبانێ و ناوچەکانی دیکەی ڕۆژئاوای کوردستانەوە بەردبارانکراون.
ساڵی ڕابردوو لەکاتی بەردبارانکردنی کاروانێکی سەربازیی تورکیا لە ڕۆژئاوا منداڵێکی کورد شەهید بوو و چەندین کەسی دیکەش بریندار بوون.
خەڵکی ڕۆژئاوای کوردستان نیگەرانن لە کردارەکانی تورکیا دژیان، لەوانە گرتنەوەی ئاوی ڕوباری فورات و بۆردومانکردنی بەردەوامی ڕۆژئاوا لەلایەن سوپای تورکیاوه.
