وەزارەتی تەندروستیی هەرێم رایدەگەیەنێت، هیچ نەخۆشخانەیەك نەك لە هەولێر، لە هەموو هەرێمی كوردستان نەفرۆشراوە.
فەرمانگەی میدیا و زانیاریی حكومەتی هەرێم بڵاویكردووەتەوە كە وەزارەتی تەندروستیی هەرێم لە وەڵامی ئەو دەنگۆیانەی باسی فرۆشتنی نەخۆشخانەیەكی حكومییان دەكرد رایگەیاندووە، “هیچ نەخۆشخانەیەك نەك لە هەولێر، لە هەموو هەرێمی كوردستاندا نەفرۆشراوە”.
هەر لە راگەیەندراوەكەدا هاتووە، “هەواڵی فرۆشتنی نەخۆشخانە رەتدەكەینەوە و دوورە لە راستییەوە”.
