ماسیمیلیانۆ ئالێگری ڕاهێنەری پێشووی یانەکانی میلان و یوڤانتۆس، نزیکبووەتەوە لە گەڕانەوە بۆ ناو یاریگاکان و چاوەڕێی بڕیاری کۆتایی بەڕێوبەرانی یانەی پاریس سانت جێرمانە.
بەپێی هەمان سەرچاوە، ئالێگری پاڵێوراوە بۆ شوێنگرتنەوەی تۆماس توخێل، بەڵام تاکە پاڵێوراو نییە و بەڕێوبەرانی یانە فەرەنسیەکە لەگەڵ تیاگۆ مۆتای ئەستێرەی پێشوو و ڕاهێنەری تیپی لاوان بەهەمان شێوە گفتوگۆیان ئەنجامداوە.
لەلایەکی دیکەوە ڕۆژنامەی کۆتیدیانۆ سپۆرتیڤۆ بڵاویکردووەتەوە، کە یانەی چێڵسی ئینگلیزی لەژێر سەرپەرشتی فرانک لامپارد چاودێری بارودۆخی یانەکەیان دەکەن، لە هەمان کاتدا لەگەڵ ماسیمیلیانۆ ئالێگری دەستیان بە دانوستاندن کردووە، ئەگەر بێتو لە داهاتوودا ئەنجامەکانی چڵسی باشتر نەبێت، ڕەنگە بڕیاری دوورخستنەوەی لامپارد بدرێت و ئالێگری جێگەی بگرێتەوە.
ئالێگری لە وەرزی 2003/2004وە دەستی بە کاری ڕاهێنانکردووە و ئەزموونێکی زۆری کۆکردووەتەوە، ڕاهێنەری یانەکانی ئایلانێس و سپال و گرۆسیتۆ و ساسولۆ و کالیەری و میلان و یوڤانتۆس بووە، هاوینی 2019 لە پۆستی ڕاهێنەری بیانکۆنێری دوورخرایەوە، تاوەکو ئێستا بێکارە و پەیوەندی بە هیچ یانەیەکی دیکەوە نەکردووە.
