یانەی چێڵسی ئینگلیزی لە چوارچێوەی ئەو پڕۆسە نوێیەی دەستیپێکردووە و دوای وەرگرتنی ڕەزامەندی فرانک لامپاردی ڕاهێنەر، ئامادەیی نیشانداوە گوێبیستی ئۆفەری یانە داواکارەکان بێت بۆ گواستنەوەی کیپا ئاریزابالاگا.
ڕاهێنەری یانە، فرانک لامپارد لە کۆتا جوڵەدا پیتەر چێکی ڕاهێنەری گۆڵپارێزانی یانەی لە لیستی یاریزانە بەشدارەکان ناونوسکردووە، ئەوەش پەیامێکی ڕاستەوخۆیە بۆ کیپا ئاریزابالاگا کە چیتر متمانەیان بە تواناکانی نەماوە.
لەم بارەیەوە ڕۆژنامەی موندۆ دیپۆرتیڤۆی ئیسپانی ئاشکرایکردووە، ئیدارەی بلوزی لەندەن لەمیرکاتۆی زستانی 2021 لارییان لە گواستنەوەی گۆڵپارێزە 26 ساڵەکە نییە.
بەپێی ئەو زانیارییانەی ڕۆژنامە کەتەلۆنییەکە بڵاویکردووەتەوە، چەند یانەیەک خواستیان لەسەر کڕینی کیپا نیشانداوە، لەنێوانیاندا یانەی ئیشبیلیەی ئەندەولسی کە خاوەنی بونۆی گۆڵپارێزی بەتوانایە، واتا لەو یانەیەش بە ئەگەرێکی بەهێزەوە دەکرێتە یەدەگ ئەگەر بێتو گواستنەوەی پێبکرێت.
