كۆمسیۆنی نێودەوڵەتیی ئازادیی ئاینی، ئیدانەی بۆردومانەكەی توركیا بۆسەر شەنگال دەكات، داوا لە حکومەتی ئەمریکا و کۆمەڵگەی نێودەوڵەتی دەکات فشار بخەنە سەر تورکیا کاولکاریی زیاتری کۆمەڵگەی ئێزدییەكان ڕاگرێت.
كۆمسیۆنەكە، لە زنجیرە تویتێكدا ئاماژەی بەوەكردووە، “هێرشە ئاسمانییە بەردەوامەکانی تورکیا بۆسەر ئێزدییەكان لە شەنگال ڕێگری لە باشبوونەوەی دۆخی کۆمەڵگەکە دەکات و هەروەها دەبێتە بەربەست بۆ ئاوارەکان و پەنابەرەکان بۆ گەڕانەوەیان بۆ ماڵەکانی خۆیان بە سەلامەتی”.
داواش لە حکومەتی ئەمریکا و کۆمەڵگەی نێودەوڵەتی دەکات فشار بخەنە سەر تورکیا بۆ ئەوەی کاولکاریی زیاتری کۆمەڵگەی ئێزدییەكان ڕاگرێت، هەنگاوی پێویست بنێت بۆ خۆدوورگرتن لە زیانی گیانیی هاوڵاتیان.
داواكارییەكەی كۆمسیۆنی نێودەوڵەتیی ئازادیی ئاینی دوای ئەوە دێت، توركیا بۆردومانی نەخۆشخانەیەكی لە سنووری قەزای شەنگال كرد، بەهۆیەوە ژمارەیەك كارمەندی تەندروستی و ئەندامی یەبەشە شەهید و برینداربوون.
USCIRF Chair @nadinemaenza: “The ongoing Turkish Airforce bombardment of innocent Yazidis in the Sinjar region is preventing the community from recovering as well as hindering the ability of the IDPs & refugees to return to their homes safely.”https://t.co/uB94pnO8zC
— USCIRF (@USCIRF) August 18, 2021
