وەزارەتی کارەبای هەرێم ڕایگەیاند، ئێستا هەناردەکردنی غاز لەلایەن کۆمپانیای دانەگازەوە ئاسایی بووەتەوە و ڕێگە نەدراوە کوژانەوەی گشتی ڕوبدات.
وەزارەتی کارەبای هەرێم لە ڕونکردنەوەیەکدا ڕایگەیاند، ” هاوبەشانی كارەبا ئاگادار دەكەینەوە كاتژمێر 5:00 ئەم ئێوارەیە گرفتە تەكنیكییەكەی داناگاز ئاسایی بووەوە، ئەمەش دوای ئەوەی هەردوو وەزارەتی سامانە سروشتیەكان و وەزارەتی كارەبا هاوكاری تیمەكانی كۆمپانیای داناگاز بوون و پێكەوە توانییان چارەسەری ئەو گرفتە تەكنیكیە بكەن”.
لە ڕونکردنەوەکەدا هاتووە، ” وەزارەتی كارەبا ڕاستەوخۆ هەر لەكاتی كەوتنەوەی گرفتەكەدا لەرێگەی تیمەكانی كۆنترۆڵی كارەبای هەرێم و وێستگەكان رێگایان نەدا كوژانەوەی گشتی كارەبا رووبدات “
كاتژمێر 12:20ی ئەمڕۆ كوژانەوەی گشتی لەدانا گاز روویدا، كە بەهۆیەوە توانای بەرهەمهێنانی كارەبا لەهەرێمی كوردستان كەمبووەوە.
