ئەمڕۆ 14ی ئاب، بەشێک لە جوتیارانی کورد لە ڕۆحای باکووری کوردستان ناڕەزایەتییان دەربڕی سەبارەت بە بڕینی کارەباکەیان، بەڵام لەلایەن سوپای تورکیاوە هێرشکرایەسەر جوتیارەکان و دوو کەس برینداربوون.
ئەمڕۆ جوتیاران لەدژی بڕینی کارەباکەیان لەلایەن کۆمپانیای بڵاوکردنەوەی کارەبای دیجلەوە، لە گوندی پاکمەزلەری ناوچەی ‘کانی خەزاڵان’ی ڕوحا ناڕەزایەتییان نیشاندا و ڕێگەی هاتوچۆیان داخست.
دوای ناڕەزایەتیی جوتیاران، سوپای تورکیا ڕووبەڕووی جوتیاران بووەوە و سەرەڕای بریندارکردنی دوو جوتیار، حەوت جوتیاریش دەستگیرکراون.
سەرەڕای هێرشی سوپای تورک و بریندارکردن و دەستگیرکرنیان، بەڵام جوتیاران پێداگرن لەسە خواستەکەیان و بەردەوامی بە چالاکییەکەیان دەدەن.
