بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند, لە بەرزنجە هاونیشتمانییەک بەهۆی داربڕینەوە دەستگیرکرا.
بەگوێرەی ڕاگەیەندراوێکی بەڕێوەبەرایەتیی پۆلیسی دارستان و ژینگەی پارێزگای سلێمانی, “لە ئەنجامی گەڕان و پشکنینی سنوورەکەیان, مەفرەزەیەكی بنکەی پۆلیسی دارستانی بەرزنجە لە سنووری گوندی (بیوەك) لە ناحیەی بەرزنجە هاونیشتمانییەکیان بەتۆمەتی بڕینی داری سروشتی دەستگیرکردووە”.
ئاشکرایکردووە, لە چالاکییەکەدا دەستگیراوە بەسەر ماتۆڕسکیلێك و چەندین کەلوپەلی تر و زیاتر لە 100 داری بڕاوەدا. دواتر پەڕاوی لێکۆڵینەوە ڕێکخراوە و ڕادەستی دادوەر کراوە بۆ گرتنەبەری ڕێکاری یاسایی.
