ڕۆیشتنی لیۆ مێسی لە یانەی بەرشلۆنە نەبووەتە هۆکارێک بۆ هەڵوەشاندنەوەی بۆندی نێوان ئەگوێرۆ و یانە کەتەلۆنییەکە.
کەناڵی فەرمی هەرێمی کەتەلۆنیا لە دوای بڵاوبوونەوەی بابەتی ڕۆیشتنی مێسی لە یانەی بەرشلۆنە بڵاویکردەوە، کە ڕێکنەکەوتنی نێوان یاریزانەکە و ئیدارەی بارسا، هەروەها سنوورە دارایییەکانی ڕایەڵەی یانەکانی لالیگا لەسەر ئەو یانەیە، بوونەتە هۆکارێک بۆ تێکچوونی ماڵی بارسا.
سەرچاوەکە ئاماژەیکردووە، لەدوای دەرکەوتنی بابەتی ڕێکنەکەوتنی نێوان مێسی و خوان لاپۆرتا، کون ئەگوێرۆی هێرشبەری ئەرجەنتینی ڕاستەوخۆ توڕەیی نیشانداوە و داوای دەستبەرداربوونی کردووە.
لەو بارەیەوە ڕۆژنامەی موندۆ دیپۆرتیڤۆ لەزاری کەسانی نزیکی ئەگوێرۆ و پارێزەرەکەیەوە ئاشکرایکردووە، ئەو هەواڵانەی لەو بارەیەوە بڵاوکراونەتەوە دوورن لەڕاستییەوە، بەڵکو هێرشبەرەکە خەمباربووە و هیچ هەڵوێستێکی لەو جۆرەی نیشاننەداوە.
ئەگوێرۆ لە میرکاتۆی هاوینی 2021 بۆندی لەگەڵ بەرشلۆنەدا واژووکرد، بەو هیوایەی هاوشانی میسی یاریبکات، بۆندەکەشی تاوەکو هاوینی 2023 بەردەوامی دەبێت.
