چاڤی هێرناندێز، ڕاهێنەری بەرشلۆنە، شانازی دەكات كە بەو هەموو پێكان و تووشبوونی كۆرۆنایەوە توانیویانە بردنەوە بەسەر ڕیاڵ مایۆركا بەدەستبهێنن.
چاڤی دەڵێت، “چەند جارێك داوای دواخستنی یارییەكەی مایۆركامان كرد، چونكە هەردوو یانەكە بەدەست كۆرۆناوە دەیانناڵاند، بەڵام یەكێتیی تۆپی پێی ئیسپانیا داواكەی ڕەتكردەوە”.
بەرشلۆنە بە گۆڵێك یارییەكەی بردەوە، بۆیە ڕاهێنەرەكەی بەرشلۆنە شانازی بە بردنەوەكەیان دەكات و پێیوایە ناسنامەی خۆیان لەدەستنەداوە.
ستایشی ئاستبەرزیی شتیگن-ی گۆڵپارێزیشی كرد، كە ڕۆڵێكی گەورەی هەبووە لەوەی بەرشلۆنە دەست بە بردنەوەكەوە بگرێت.
چاڤی هیوایخواست ئەم بردنەوەیە ببێتە خاڵی وەرچەرخان و بەهێزبوونەوەی بەرشلۆنە لە قۆناغی دووەمی ڕكابەرییەكانی لالیگادا.
بەو بردنەوەیە بەرشلۆنە بە 31 خاڵ سەركەوت بۆ پلەی پێنجەمی ڕیزبەندیی خولی ئیسپانیا.
