لە ڕوداوێکی هاتوچۆدا لەسەر ڕێگای باسرمە – شەقڵاوە کەسێک گیانیلەدەستدا و دووانی دیکە برینداربوون.
بەڕێوەبەرایەتیی هاتوچۆی هەولێر ئەمڕۆ هەینی ڕایگەیاند، ” کاتژمێر 5:30ی سەرلەئێوارەی ئەمڕۆ لەسەرڕێگای سەرەکی باسرمە ـ شەقڵاوە ئوتومبێلیکی تایبەت بەهۆی تیژڕۆیی کۆنترۆڵی لەدەستدا، پاش دەرچوونی لەشەقام وەرگەڕا”.
لە ڕاگەیەندراوەکەدا هاتووە، ڕووداوەکە بەهۆی خێرایی زۆری ئۆتۆمبێلەکە بووە و لەدەرەنجامی ڕوداوەکە کەسێک گیانی لەدەستدا و دووکەسی تریش بەسەختی برینداربوون.
ئاماژە بەوەشکراوە، زیانێکی زۆری ماددی بەر ئۆتۆمبێلەکە و زەوییە کشتوکاڵییەکانی ناوچەکە کەوت.
