ڤیدیۆ.. لە نزیك زیندانیی غوێرانی حەسەكە پێكدادانی نێوان هەسەدە و داعش بەردەوامە

ئەمڕۆش ئاڵۆزییەکان لە نزیک زیندانی غوێران لە شاری حەسەکە، لە ڕۆژئاوای ‏کوردستان بەردەوامە، هێزەكانی ئاسایشی ناوخۆی ڕۆژئاوای كوردستان و هەسەدە، ‏بەردەوامن لە پاکكردنەوەی دەوروبەری زیندانەکە، بەهۆی ئەوەی تا ئێستاش هەوڵەکان بۆ ‏هێرشکردنە سەر زیندانەکە لەلایەن داعشییەكانەوە بەردەوامە.‏

ئاژانسی هاوار لە ڕۆژئاوای كوردستان بڵاویکردووەتەوە، لە گەڕەکی غوێرانی باشووری ‏حەسەکە پێکدادانی توند لەنێوان هێزەکانی ئاسایشی ناوخۆ و شەڕڤانانی هەسەدە و شانە ‏نووستووەکانی داعش دەستیپێکردووەتەوە.‏

هاوار نیوز ئاماژەی بەوەشکردووە، شەڕ و پێکدادانەکان چڕتربوونەتەوە دوای ئەوەی ‏هێزەکانی هەسەدە لە بەیانی ئەمڕۆوە ئۆپەراسیۆنەکانیان فراوانتر كردووە بۆسەر چەند ‏بینایەکی دەوروبەری زیندانی غوێران، کە شانە نووستووەکانی داعش تیایاندا ‏بڵاوبوونەتەوە.‏

ماوەی سێ ڕۆژە هەوڵەکانی شانە نووستووەکانی داعش لە حەسەکە، بۆ هێرشکردنە سەر ‏زیندانی غوێران بەردەوامە، لە هێرشی یەکەمدا دەیان چەکداری زیندانیکراو هەڵاتن، ‏بەڵام دواتر دەیان چەکداریان دەستگیرکرانەوە و ژمارەیەكیشیان لێكوژرا.‏

بابەتی پێشتر

وەزارەتی کارەبا هەر کارمەندێکی ڤاکسینی وەرنەگرتبێت ڕێگای نادات بچێتەوە سەرکارەکەی

بابەتی دواتر

تەندروستیی عێراق ڕێگە دەدات بە ڤاكسینكردنی منداڵانی شەش ساڵ بەرەوسەر

بابەتی پەیوەندیدار
Total
14
Share