ژووری ئۆپەراسیۆنەکانی پارێزگای هەولێر مەترسیداریی هەڵکشانی کۆرۆنای لە شارەکەدا ڕاگەیاند و هۆشداریدا لەوەی بڵاوبوونەوەی زنجیرەی نوێی کۆرۆنا بەردەوام لە زیادبووندایە.
لە ڕاگەیەندراوێکدا ژووری ئۆپەراسیۆنەکانی هەولێر ئاگادارییەکی بڵاوکردەوە و ڕایگەیاند:
یهكهم/ ههروهك له ڕاگهیندراوى ڕۆژى 2021.7.27، ڕامانگهیاندووه، پرسەدانان لە (کۆڵان – هۆڵ – ماڵ – ژێرخێوەت – باخچە و هەرشوێنێکی تر) قهدهغهیه و ههر كهسێك پابهند نهبێت سزادهدرێت، بهڵام بهداخهوه بەهۆی زۆریی ژمارهى مردووان بههۆى ئهم ڤايرۆسهوە، بهشێك لههاوڵاتييان پابهندنين و ئاگادارين سهرپێچی لهم بڕياره دهكرێت، بۆيه جارێكى تر هۆشدارى دهدهين به هاوڵاتييانى شارهكهمان كه پابهندى ئهو بڕيارهبن و ڕهچاوى ڕێكارهكانى خۆپارێزى بكهن، بهپێچهوانهوه ههر هاوڵاتييهك پرسه لە (کۆڵان – هۆڵ – ماڵ – ژێرخێوەت – باخچە و هەرشوێنێکی تر) دابنێت، لهلايهن هێزهكانى پۆليس دهست بهجێ پرسهكهى دادهخرێت و بهپێبژاردن سزا دهدرێت.
دووهم/ دۆخەکە هەستیارە و ڕەوشی تەندروستیی شارەکەمان مەترسیدارە و ژمارهى توشبووانى زنجيرهى نوێى ڤایرۆسی کۆرۆناش له زيادبووندایە، بهوهۆيهوه لهنێو نهخۆشخانهكان ژمارهيهكى زۆر له كهسوكار و خانهواده و خزمانى توشبووان سهردانى نهخۆشخانهكان دهكهن و لهبهردهم نهخۆشخانهكانى تايبهت بهچارهسهرى توشبووانى كۆرۆنا دهمێننهوه و قهرهباڵغى زۆر دروستدهكهن، ئهوهش هۆكارێكى ديكهی زيادبوونى ژمارهى توشبووان و بڵاوبوونهوه و تهشهنهسهندنى كۆرۆنايه، بۆ ئهو مهبهسته هاوڵاتييانى سنوورى پارێزگاكهمان ئاگاداردهكهينهوه، سهردانى توشبووانى كۆرۆنا له نهخۆشخانهكان و مانهوه و دروستكردنى قهرهباڵغى لهبهردهم نهخۆشخانهكان بهههموو شێوهيهك قهدهغهيه و ههركهس و لايهنێك پابهند نهبێت ڕێكارى ياسايى لهبهرمبهر دهگيرێتهبهر.
سێيهم/ سەرجەم هێزەکانی ناوخۆ (ئاسایش، پۆلیس، زێرەڤانی، پێشمەرگە، پۆلیسی هاتوچۆ) ڕاسپێردراون ئامادهكاریی بۆ جێبەجێکردنی ئهم بڕیارانه بكهن، ئهو بڕيارانهش سهرجهم قائیمقامیهتهكانى سنوورى پارێزگاى ههولێر دهگرێتهوه.
