هەڵبژاردەکانی ئیسپانیا و میسڕ و ژاپۆن و مەکسیک کۆتا بلیتی قۆناغی چارەکی کۆتایی خولی تۆپی پێی ئۆڵۆمپیادی 2020یان بڕی.
ئەمڕۆ، چوارشەممە سێیەمین ڕوبەڕوبوونەوەکانی خولی تۆپی پێی ئۆڵۆمپیادی تۆکیۆ 2020 ئەنجامدران.
لە یارییەکی بەهێزدا، لە کۆمەڵەی سێیەم هەڵبژاردەی ئیسپانیا یەکسانبوونی بەرامبەر ئەرجەنتین (1-1) تۆمارکرد، لەهەمان کۆمەڵە هەڵبژاردەی میسڕ (2-0) لە ئوسترالیای بردەوە.
بەپێی ئەنجامە تۆمارکراوەکان، ئیسپانیا بە کۆکردنەوەی شەش خاڵ و میسڕ بە چوار خاڵ بلیتی قۆناغی چارەکی کۆتایی خولەکەیان بڕی، هەڵبژاردەکانی ئەرجەنتین و ئوسترالیاش ماڵئاواییان لە خولەکە کرد.
لە کۆمەڵەی یەکەمدا، هەڵبژاردەی ژاپۆن بە ئەنجامی چوار گۆڵی بێوەڵام بەسەر فەرەنسادا سەرکەوت، هەڵبژاردەی مەکسیک (3-0) لە ئەفریقای باشووری بردەوە.
بەپێی ئەنجامە تۆمارکراوەکان، هەڵبژاردەکانی ژاپۆن و مەکسیک سەرکەوتنیان بۆ قۆناغە یەکلاکەرەوەکان مسۆگەرکرد، هەڵبژاردەکانی فەرەنسا و ئەفریقای باشوور ماڵئاواییان لە خولەکە کرد.
ئەنجامەکان:
فەرەنسا 0-4 ژاپۆن
ئەفریقای باشوور 0-3 مەکسیک
ئوسترالیا 0-2 میسڕ
ئیسپانیا 1-1 ئەرجەنتین
